पौष १६ २०८० काठमाडौँ । एक वरिष्ठ प्रहरी हवल्दार मृत फेला परेका छन्।
सङ्खुवासभाको जिल्ला कारागार खाँदवारिमा कार्यरत वरिष्ठ प्रहरी हवल्दार ४१ वर्षीय डिकबहादुर तामाङ मृत फेला परेका हुन् ।
इलाम घर भएका वरिष्ठ हवल्दार तामाङ गएराति २ बजे डिउटीसकेर सुतेका र बिहान ५ बजे अचेत अवस्थामा बेला परेपछि उपचारका लागि जिल्ला अपस्पताल पुर्याइएको जिल्ला प्रहरी कार्यालयका प्रहरी नायव उपरीक्षक घनश्याम श्रेष्ठले जानकारी दिए।
प्रहरी नायव उपरीक्षक श्रेष्ठका अनुसार वरिष्ठ हवल्दार तामाङको जिल्ला अस्पताल भर्ना हुनु अघिनै मृत्यु भइसकेको जिल्ला अस्पतालले घोषणा गरेको हो । पीडित परिवारले मृत्यु शङ्कास्पद भएको भन्दै घटनाको छानबिन गर्न माग गरेका छन्। घटनाको निष्पक्ष छानबिन नभए सम्म शव नबुझ्ने पीडित परिवारले अडान लिएका छन्।
घटनाको बारेमा थप अनुसन्धान भइरहेको जिल्ला प्रहरी कार्यालय सङ्खुवासभाले जनाएको छ। शव पोष्टमार्रटमाका लागि जिल्ला अस्पतालमा राखिएको डिएसपी श्रेष्ठले बताए।
