काठमाडौं । आज नेपाल स्टक एक्सचेन्ज (नेप्से) परिसूचक सामान्य अंकले घटेको छ । यसदिन नेप्से परिसूचक ४.८२ अंकले घटेर २ हजार ५ सय ९८.८९ को बिन्दुमा आएको छ । यसदिन कारोबारमा आएका १ सय १० कम्पनीको सेयर मूल्य बढेको छ भने १ सय ५६ कम्पनीको घटेको छ ।
आज नेप्से परिसूचक घटे पनि कारोबार रकम भने सामान्य बढेको छ । बुधबार ४ अर्ब ७६ करोड ५१ लाख २७ हजार रुपैयाँ बराबरको सेयर कारोबार भएको छ । मंगलबार ४ अर्ब ६५ करोड ४८ लाख ७८ हजार रुपैयाँभन्दा धेरैको सेयर किनबेच भएको थियो ।
आज सबैभन्दा धेरै कमाउनेमा सिन्धु विकास बैंकका लगानीकर्ताहरु रहेकाछन् । यस बैंकको सेयर मूल्य १४.३७ प्रतिशतले बढेर ४ सय ४४ रुपैयाँ पुगेको छ । यता, सबैभन्दा धेरै गुमाउनेमा सानिमा ग्रोथ फन्डका लगानीकर्ताहरु रहेका छन् । यस कम्पनीको सेयर मूल्य ३.७८ प्रतिशतले घटेको छ ।
