काठमाडौं । निजी क्षेत्रको वायुसेवा कम्पनी बुद्ध एयरले आफ्नो २९औँ वार्षिकोत्सवको अवसरमा शिशु यात्रुका लागि विशेष छुट योजना सार्वजनिक गरेको छ ।
कम्पनीले शिशुको टिकट भाडामा ५० प्रतिशत छुट दिने भएको हो । यो छुट अक्टोबर १ देखि ११, २०२६ (असोज १५ देखि २५ गतेसम्म) लागू हुनेछ ।
बुद्ध एयरका अनुसार यस योजनाअन्तर्गत यात्रा गर्ने शिशु यात्रुलाई ममबड्स यूएसएसँगको सहकार्यमा विशेष बेबी केयर गुडिज समेत उपलब्ध गराइनेछ ।
२८ वर्षको सफल यात्रा पूरा गरी २९औँ वर्षमा प्रवेश गरेको अवसरमा यात्रुप्रति आभार व्यक्त गर्दै पारिवारिक यात्रालाई थप सहज र किफायती बनाउन यो योजना ल्याइएको कम्पनीले जनाएको छ ।
यस अफरबारे थप जानकारी बुद्ध एयरको आधिकारिक वेबसाइट तथा नजिकैको काउन्टरबाट लिन सकिनेछ ।
