काठमाडौं । रुपन्देही र मोरङमा दुई जना मृतावस्थामा फेला परेका छन् । प्रहरीका अनुसार रुपन्देहीको लुम्बिनी सांस्कृतिक नगरपालिका-४ अमारीस्थित सार्वजानिक पोखरीमा सोही ठाउँ बस्ने ७५ वर्षीया अनारकली देवी गोसाई सोमबार मृत अवस्थामा फेला परेकी छिन् ।
यसैगरी मोरङको बुढीगंगा गाउँपालिका-६ बस्ने ४२ वर्षीय मन्सा चौधरी पनि सुन्दरहरैचा नगरपालिका-११ भुटाई टोलस्थित भुल्के खोलामा सोमबार मृत अवस्थामा फेला परेका छन् ।
यसैबीच कविलवस्तुको महाराजगंज नगरपालिका-९ तेनुई बस्ने १० वर्षीय रजिन्द्र पासीको सोही ठाउँस्थित पोखरीमा डुबेर मृत्यु भएको छ । डुबेर अशक्त भएका उनको जिल्ला अस्पताल तौलिहवामा उपचारको क्रममा मृत्यु भएको प्रहरीले जनाएको छ ।
