गोरखा, ४ पुस । गोरखा नगरपालिका स्थित एक घरमा आगलागीबाट पूर्ण क्षति भएको छ । नगरपालिकाको वडा नम्बर ७ स्थित मसारमा आज बिहान स्थानीयबासी रामबहादुर बयलकोटीको घरमा आगलागी भएको हो ।
आगलागीबाट बयलकोटीमा घरमा रहेको अन्नबाली लत्ताकपडा सहित घर जलेर क्षति पुगेको छ । घरमा आगलागी भएपछि स्थानीयबासी, सुरक्षाकर्मी लगायत मिलेर आगो नियन्त्रणमा लिएका थिए
। आगलागीको कारण भन्ने खुल्न बाँकी रहेको छ । घटनाको थप अनुसन्धान भइरहेको जिल्ला प्रहरी कार्यालय गोरखाले जनाएको छ ।
