शनिवार, कार्तिक ११ २०८०
काठमाडौँ । कालीमाटी फलफूल तथा तरकारी बजार विकास समितिका अनुसार आज कालीमाटीमा रातो आलु, काउली लगायतको भाउ घटेको छ भने सुकेको प्याजको भाउ बढेको छ ।
शुक्रबार औसत मूल्य प्रतिकेजी ७१ रुपैयाँ ६७ पैसा रहेको रातो आलुको भाउ शनिबार ७० रुपैयाँ पर्ने समितिले जनाएको छ । त्यस्तै, काउलीको भाउ पनि घटेको छ । यसअघि प्रतिकेजी ९५ रुपैयाँ रहेको काउली आज १० रुपैयाँले घटेर ८५ रुपैयाँ पर्नेछ ।
यता, सुकेको प्याज र च्याउको भाउ भने बढेको छ । यसअघि प्रतिकेजी १०२ रुपैयाँ ५० पैसा पर्ने भारतीय सुकेको प्याजलाई आज १०७ रुपैयाँ ५० पैसा पर्नेछ भने डल्ले च्याउको पनि भाउ ३०० रुपैयाँँ रहेकोमा आज बढेर ३२५ रुपैयाँ र ५६ रुपैयाँ रहेको कन्य च्याउको भाउ ६० रुपैयाँ पुगेको छ ।
