काठमाडौ, २२ असोज । इजरायलमा रहेका नेपालीहरूको उद्धारमा सरकारले ढिलाइ गरिरहेको छ । गत शनिबारदेखि इजरायलमा आक्रमण जारी छ । तीन दिन बितिसक्दा पनि कुनै उपाय अवलम्वन नगरेकाले न बङ्कर भित्र लुकेर बसेका नेपालीहरूले सामाजिक संजाल मार्फत आँफूहरुलाई बचाँइदेउ भन्दै सरकारलाई आग्रह गरेका छन् ।
उनीहरुले उद्धारमा ढिलाई हुँदा ज्यानै जानसक्ने बताएका छन् । १० जना साथी गुमाएका सुदूरपश्चिम विश्वविद्यालय कृषि विज्ञान संकायका विद्यार्थीहरूले उद्धार गरिदिन आग्रह गरेका हुन् ।
सुदूर पश्चिम विश्वविद्यालय कृषि विज्ञान संकायबाट इजरायल पुगेका विपिन सुबेदीले भिडियो सन्देश पठाउँदै उद्धारको अपिल गरेका छन् ।आफू लगायत चार ५ जना ३ दिन देखि बङ्करमा रहेको भन्दै उद्धारको अपिल गरेका हुन् ।
‘तीन दिन देखि यहाँ छौँ । ५ जना छौँ । एम्बेसी उद्धार गर्छ कि भनेर हामी लुगा लगाएर बसेका छौँ’ उनी भन्छन्, ‘बङ्करमा ती मिसाइल खस्दा दर्शदान हुन्छ ।’ १० जनाको ज्यान गइसकेको भन्दै आफूहरू पनि असुरक्षित रहेको उनी बताउँछन् ।
‘१० जना साथी गुमाइसकेका छौँ हामी पनि गुम्छौ कि भन्ने डर छ । १० जना साथीहरूले गरेको हार गुहार हामीलाई याद आउँछ’ उनी भन्छन्, ‘यहाँ आएर हाम्रो साथीहरूलाई जस्तै हामीलाई पनि बर्बरता पूर्वक मारो भने हामी पनि त्यसै गरि मर्ने ?’
