काठमाडौं । आज नेपाल स्टक एक्सचेन्ज (नेप्से) परिसूचक दोहोरो अंकले घटेको छ । यसदिन नेप्से परिसूचक १२.९५ अंकले घटेर २ हजार ६ सय ५२.५८ को बिन्दुमा आएको छ । आज कारोबारमा आएकामध्ये ५६ कम्पनीको सेयर मूल्य बढेको छ भने २ सय ११ कम्पनीको घटेको छ ।
बिहीबार नेप्से परिसूचकसँगै कारोबार रकम पनि घटेको छ । आज ४ अर्ब ७२ करोड २२ लाख ३६ हजार रुपैयाँभन्दा धेरैको सेयर किनबेच भएको छ । बुधबार ७ अर्ब ४३ करोड ९३ लाख ६६ हजार रुपैयाँभन्दा धेरैको सेयर किनबेच भएको थियो ।
आज सबैभन्दा धेरै कमाउनेमा कुमारी सबल योजना रहेको छ । यसको सेयर मूल्य २.९६ प्रतिशतले बढेको छ । यता, सबैभन्दा धेरै गुमाउनेमा १०.२५ प्रतिशत केबिएल डिबेन्चर २०८६ रहेको छ । यसको सेयर मूल्य ५.०९ प्रतिशतले घटेको छ ।
