काठमाडौं । नेपाल स्टक एक्सचेन्ज (नेप्से) परिसूचकमा आज पनि दोहोरो अंकको गिरावट आएको छ । यसदिन नेप्से परिसूचक १३.८५ अंकले घटेर २ हजार ५ सय ३१.५५ को बिन्दुमा आएको छ । आज कारोबारमा आएका ५१ कम्पनीको सेयर मूल्य बढेको छ भने २१८ कम्पनीको सेयर मूल्य घटेको छ ।
आज नेप्से परिसूचकसँगै कारोबार रकम पनि घटेको छ । बिहीबार ३ अर्ब ८१ करोड ३७ लाख ६९ लाख रुपैयाँ बराबरको सेयर किनबेच भएको छ । बुधबार ४ अर्ब १९ करोड ८९ लाख २१ हजार रुपैयाँभन्दा धेरैको सेयर किनबेच भएको थियो ।
आज सबैभन्दा धेरै कमाउनेमा लिबर्टी इनर्जीका लगानीकर्ता रहेका छन् । यस कम्पनीको सेयर मूल्यमा सकारात्मक सर्किट लागेको छ । यता, सबैभन्दा धेरै गुमाउनेमा सिन्धु विकास बैंकका लगानीकर्ता रहेका छन् । यसको सेयर मूल्यमा नकारात्मक सर्किट लागेको छ ।
