काठमाडौं । आज मुडेको आलु, मकै बोडी, डल्ले च्याउलगायतका तरकारीको भाउ घटेको छ भने सुकेको प्याज, कन्य च्याउ, कुरीलोलगायतको भाउ बढेको छ । कालीमाटी फलफूल तथा तरकारी बजार विकास समितिले प्रकाशित गरेको मूल्यसूची अनुसार मुडेको आलु प्रतिकेजी ४९ रुपैयाँ रहेकोमा आज घटेर ४७ रुपैयाँमा झरेको छ भने मकै बोडी प्रतिकेजी ७६ रुपैयाँ ६७ पैसाबाट घटेर ७५ रुपैयाँमा झरेको छ । तने बोडीको भाउ भने आज बढेको छ ।
यसअघि प्रतिकेजी ६४ रुपैयाँ रहेको तने बोडीलाई आज ६६ रुपैयाँ पर्नेछ भने १८० रुपैयाँ तोकिएको कन्य च्याउ आज २०४ रुपैयाँ थोक मूल्यमा उपलब्ध छ । त्यस्तै, डल्ले च्याउ ३ सय रुपैयाँ रहेकोमा आज घटेर २७६ रुपैयाँमा र कुरीलो २७५ रुपैयाँबाट बढेर २९० रुपैयाँ पुगेको छ । सुकेको प्याज प्रतिकेजी ६६ रुपैयाँ ४० पैसा रहेकोमा आज बढेर ६८ रुपैयाँ ८० पैसा निर्धारण गरिएको छ ।
