२०८३, कात्तिक ३० गते

images
Logo

Nov 16 2026 | २०८३, कात्तिक ३० गते

images
  • सोमबार, कात्तिक ३० २०८३

आफ्ना राजनीतिक प्रतिद्वन्द्वी आइजनकोटलाई नेतन्याहूले गरे यस्तो अपिल


सञ्चार डबली
  • आइतबार, कात्तिक २९ २०८३
  • 2.5K
    SHARES

  • आफ्ना राजनीतिक प्रतिद्वन्द्वी आइजनकोटलाई नेतन्याहूले गरे यस्तो अपिल

    इजरेलका प्रधानमन्त्री बेन्जमिन नेतन्याहूले आफ्ना राजनीतिक प्रतिद्वन्द्वी गादी आइजनकोटसँग राष्ट्रिय एकताको सरकारको माग दोहोर्‍याएका छन्।

    "यस्तो सरकारले इजरेलले सामना गरिरहेको सुरक्षा चुनौतीको सामना गर्नसक्छ जसको सबैभन्दा ठूलो खतरा इरान हो," उनले भने।

    सामाजिक सञ्जालमा जारी गरिएको भिडिओ सन्देशमा नेतन्याहूले भनेका छन्, "बिहीवार गादी आइजनकोटसँगको कुराकानीले देशको सुरक्षाका लागि राष्ट्रिय एकताको सरकार गठन आवश्यक छ भन्ने विश्वास दिलाएको छ।"

    नेतन्याहूले इरानी शासनले इजरेललाई नष्ट गर्न चाहेको र आफ्नो परमाणु कार्यक्रम पुन: सुरु गर्न खोजिरहेको दाबी गरे।

    नेतन्याहूले यो खतरालाई सदाका लागि अन्त्य गर्न आवश्यक रहेको बताएका छन्।

    गादी आइजनकोटले के भनेका छन्?

    नेतन्याहूले राष्ट्रिय एकताको प्रस्तावित सरकारले ती पार्टीहरूलाई मात्र समावेश गर्ने जसले इजरेललाई यहुदी जनताको राष्ट्र ठान्ने बताएका छन्।

    "सीमित समर्थनमा निर्भर वा आतङ्कवादका समर्थकहरूमा निर्भर सरकार यो चुनौतीको सामना गर्न सक्दैन," उनले भने।

    नेतन्याहूका प्रतिद्वन्द्वी तथा विपक्षी नेता गादी आइजनकोटले अरब दलहरूको समर्थनमा सरकार बनाउने प्रयास गरिरहेका छन्।

    उनले नेतन्याहूलाई सत्ताबाट हटाउनका लागि तत्काल निर्णय लिन अन्य दललाई अपिल गरेका छन्।

    इजरेलका मुख्य विपक्षी नेता आइजनकोट र अरब नेतृत्वको पार्टीका नेताहरूले नेतन्याहूको आलोचना गर्दै आएका छन्।

    निर्वाचनमा आफ्नो गठबन्धनले बहुमत गुमाएपछि नेतन्याहूले विदेशी हस्तक्षेपको आरोप लगाएका थिए।

    उनको लिकुड पार्टीले इजरेलको अरब नेतृत्वको दलहरूले चुनाव "चोरेको" आरोप लगाएको थियो।

    गएको चुनावको अन्तिम परिणाममा नेतन्याहूको गठबन्धन वा यहुदी विपक्षी दुवैले संसद्‌मा बहुमत प्राप्त गरेनन्।

    इजरेलका राष्ट्रपति आइज्याक हेरजोगले आइजनकोटलाई नयाँ सरकार गठन गर्ने पहल थाल्न गत साता भनेका हुन्।

    आमचुनावमा कुनै पनि नेताले स्पष्ट बहुमत प्राप्त गर्न नसकेपछि इजरेलमा राजनीतिक गतिरोध उत्पन्न भएको छ।

    राष्ट्रपति हेरजोगले साताभरि सबै राजनीतिक दलसँग परामर्श गरेपछि आइजनकोटलाई सरकार गठन गर्ने पहिलो अवसर दिने निर्णय गरेका थिए।

    बीबीसी न्यूज नेपाली 

    प्रतिक्रिया दिनुहोस

    images

    ताजा अपडेट

    ट्रेन्डिङ

    logo
    सामाजिक संजाल
  • © copyright 2014-2022 and all right reserved to Sanchar Dabali   |   Site By : SobizTrend