काठमाडौं । कृषि विकास बैंकका ग्राहकले अब बैंकको स्मार्ट प्लस मोबाइल एपबाटै डिसहोमका विभिन्न सेवा नवीकरण गर्न सक्ने भएका छन् ।
यस सुविधामार्फत ग्राहकले डिसहोम इन्टरनेट र आईपीटीभीको संयुक्त प्याकेज, इन्टरनेट र डीटीएच टेलिभिजनको संयुक्त प्याकेज तथा डिसहोम डीटीएच टेलिभिजन सेवा नवीकरण गर्न सक्नेछन् ।
यो सुविधाले ग्राहकलाई घरमै बसेर सजिलै र छिटो सेवा नवीकरण गर्न सहयोग पुग्नेछ । सेवा नवीकरणका लागि ग्राहकले अन्य विद्युतीय भुक्तानी माध्यमको पनि प्रयोग गर्न सक्नेछन् ।
डिसहोमले ग्राहकलाई सहज सुविधा उपलब्ध गराउने उद्देश्यले विभिन्न विद्युतीय भुक्तानी माध्यमबाट सेवा नवीकरण गर्न सकिने व्यवस्था गर्दै आएको जनाएको छ ।
