काठमाडौं । कालीमाटी फलफूल तथा तरकारी बजार विकास समितिले आज आइतबारको मूल्य सूची प्रकाशित गरेको छ । जसअनुसार आज केही तरकारी र फलफूलको भाउ सामान्य बृद्धि भएको देखिन्छ । मूल्यसूची अनुसार आज मुडेको आलु प्रतिकेजी ६६ रुपैयाँ ३३ पैसाबाट बढेर ६९ रुपैयाँ पुगेको छ भने सुकेको प्याज ११३ रुपैयाँ ६७ पैसा पुगेको छ ।
त्यस्तै, स्थानीय काउलीको भाउ प्रतिकेजी १० रुपैयाँले बढेर ९५ रुपैयाँ पुगेको छ भने रातो मूला ३१ रुपैयाँ ६७ पैसा पुगेको छ भने झिगुनी प्रतिकेजी ७५ रुपैयाँ तोकिएको छ । यसैगरी, रायोको साग प्रतिकेजी ८८ रुपैयाँ ३३ पैसा रहेकोमा आज बढेर ९५ रुपैयाँ, बरेला १३५ रुपैयाँ, कन्य च्याउ १४६ रुपैयाँ ६७ पैसा, ब्रोकाउली १४० रुपैयाँ र शरीफा १३३ रुपैयाँ ३३ पैसा पुगेको छ ।
मूल्यसूची अनुसार आज खुर्सानीको भाउसमेत बढेको छ । आज हरियो खुर्सानीको भाउ बढेर प्रतिकेजी ११० रुपैयाँ पुगेको छ भने अकबरे खुर्सानी १८० रुपैयाँ, भेडे खुर्सानी १२५ रुपैयाँ, हरियो लसुन ३२६ रुपैयाँ ६७ पैसा र फूजी स्याउ ३३६ रुपैयाँ ६७ पैसा तोकिएको छ ।
