काठमाडौं । आज कालीमाटी फलफूल तथा तरकारी बजारमा अधिकांश तरकारी अघिल्लो दिनकै मूल्यमा कारोबार भएको छ । प्याज प्रतिकिलो अधिकतम १२५ रुपैयाँ छ । विगत एक महिनामा प्याज प्रतिकिलो करिब २५ रुपैयाँ महँगिएको छ । अघिल्लो दिनको तुलनामा यो स्थिर हो ।शुक्रबार घिउ सिमी ११ प्रतिशतले सस्तिएको छ भने हरियो फर्सी २२ र रायो साग १५ प्रतिशत महँगिएको छ । ठूलो गोलभेँडा पनि केही महँगिएको छ ।
कालीमाटी फलफूल तथा तरकारी बजार विकास समितिका अनुसार यस दिन ठूलो गोलभेँडा अधिकतम प्रतिकिलो ७० रुपैयाँ छ । कालीमाटीमा हाल स्कुस सबैभन्दा सस्तो छ । स्कुसको सिजन सुरु भएकाले यो तरकारी प्रतिकिलो अधिकतम २५ रुपैयाँमा कारोबार भएको छ ।
रातो आलु ७२, स्थानीय गाजर १२०, स्थानीय काउली १००, लाम्चो भन्टा ४०, डल्लो भन्टा ५० रुपैयाँ प्रतिकिलोमा कारोबार भएको छ । तने बोडी ७०, घिउ सिमी ८०, टाटे सिमी ७०, तिते करेला प्रतिकिलो ७० रुपैयाँ छ ।
