काठमाडौं । हाइड्रोइलेक्ट्रिसिटी इन्भेष्टमेन्ट एण्ड डेभलपमेन्ट कम्पनी लिमिटेड (एचआईडीसीएल) को संस्थापक शेयर खरिद गर्ने आज अन्तिम दिन रहेको छ । कम्पनीले साउन २९ गतेदेखि अवितरित हकप्रद शेयरमध्ये लिलाम बढाबढ प्रक्रियाबाट बिक्री नभई बाँकी रहेको १ करोड ६८ लाख ५९ हजार ५० कित्ता शेयरको बिक्री खुला गरेको छ ।
उक्त शेयरका लागि जोकोही व्यक्ति, संस्था वा कम्पनीले खरिद आवेदन दिन सक्नेछन् । प्रतिकित्ता न्यूनतम १०० रुपियाँ तोकिएको सो शेयर खरिदका लागि बोलपत्र पेस गर्दा घटीमा १०० कित्ता र बढीमा सम्पूर्ण कित्ताका लागि आवेदन दिन सकिनेछ ।
शेयर खरिद गर्न इच्छुकले बिक्री प्रबन्धक ग्लोबल आईएमई क्यापिटलका साथै ग्लोबल आईएमई बैंकको शंखमूल–नयाँबानेश्वर, बिर्तामोड, हनुमानदास रोड, जनकपुरधाम, आदर्शनगर, हेटौंडा, नारायणगढ, न्युरोड–पोखरा, मिलनचोक, बाग्लुङ बजार, त्रिभुवनचोक, वीरेन्द्रनगर, घोराही, धनगढी र महेन्द्रनगर शाखा कार्यालयमा भदौ ६ गतेसम्म आवेदन पेस गर्नु पर्नेछ ।
