काठमाडौं । काठमाडौँमा आलु, प्याज, गाजर, बन्दा, कुरीलो, अनार, आभोकाडोलगायतका तरकारी र फलफूलको भाउ बढेको छ ।कालीमाटी फलफूल तथा तरकारी बजार विकास समितिले प्रकाशित गरेको मूल्यसूची अनुसार यसअघिको तुलनामा आज यी तरकारीहरूको भाउ बढेको हो ।
आज रातो आलुको भाउ बढेर प्रतिकेजी ६८ रुपैयाँ, भारतीय रातो आलुको भाउ ५६ रुपैयाँ, मुडेको आलु ५४ रुपैयाँ, सेतो आलु ५३ रुपैयाँ ५० पैसा र सुकेको प्याज ८२ रुपैयाँ ३३ पैसा पुगेको मूल्यसूचीमा उल्लेख छ ।
त्यस्तै, लोकल गाजरको औसत मूल्य पनि प्रतिकेजी २० रुपैयाँले बढेर ११५ रुपैयाँ पुगेको छ भने लोकल बन्दा ६६ रुपैयाँ ६७ पैसा, स्थानीय काउली ८६ रुपैयाँ पुगेको छ । यता, चिचिण्डो प्रतिकेजी २० रुपैयाँले बढेर ५५ रुपैयाँ, ब्रोकाउली ५० रुपैयाँले बढेर १९० रुपैयाँ, जिरीको साग ४२५ रुपैयाँ, अनार ३९० रुपैयाँ, जिरीको साग १०० रुपैयाँ बढीले बृद्धि भएर ४२५ रुपैयाँ र कुरीलो ४२५ रुपैयाँ पुगेको छ ।
