काठमाडौं । फलफूल तथा तरकारी बजार विकास समिति कालीमाटीले आज कालीमाटी बजारमा किनबेच भइरहेको तरकारी तथा फलफूलहरुको मूल्यसूची सार्वजनिक गरेको छ। कालीमाटीमा आज केही तरकारीको मूल्य घटेको छ भने कतिपय तरकारी हिजो अस्तीकै मूल्यमा किनबेच भइरहेको समितिले जनाएको छ।
कालीमाटीमा आज सबैभन्दा सस्तो तरकारी सानो लोकल गोलभेँडा छ भने सबैभन्दा महँगो तरकारी डल्ले च्याउ छ। सानो गोलभेँडा २२ रुपैयाँ प्रतिकिलोमा किनबेच भइरहँदा डल्ले च्याउको मूल्य ३ सय ९० रुपैयाँ छ।
कालीमाटीमा आज ठूलो गोलभेँडा ७०, बन्दा ४५, काउली ९५, भन्टा ८५, करेला ६५, परबल ७५, घिरौँला ७५, हरियो फर्सी ८५, स्कुस ७५, रायोको साग १७६, कन्य च्याउ १८० रुपैयाँ प्रतिकिलोमा किनबेच भइरहेको समितिले जनाएको छ।
