काठमाडौं । काठमाडौँमा आज आइतबार पनि तरकारीको भाउ बढेको छ । कालीमाटी फलफूल तथा तरकारी बजार विकास समितिको मूल्यसूची अनुसार आज ठुलो गोलभेडाको भाउ प्रतिकेजी ५ रुपैयाँले बढेर ९५ रुपैयाँ पुगेको छ भने लोकल सानो गोलभेडालाई पनि १५ रुपैयाँ पर्नेछ ।

त्यस्तै, टनेल गोलभेडाको भाउ प्रतिकेजी १९ रुपैयाँ ६० पैसा रहेकोमा आज बढेर २३ रुपैयाँ पुगेको छ भने लोकल बन्दा ५५ रुपैयाँ, स्थानीय काउली ९५ रुपैयाँ र स्थानीय ज्यापु काउली ११५ रुपैयाँ पुगेको छ । 

यसैगरी, रायोको साग प्रतिकेजी १९६ रुपैयाँ ६७ पैसा, तोरीको साग ७० रुपैयाँ, हरियो प्याज २१६ रुपैयाँ ६७ पैसा, जिरीको साग ५५० रुपैयाँ, सेलरी २२६ रुपैयाँ ६७ पैसा, पार्सले र पुदीना ७५० रुपैयाँ तोकिएको छ ।