२०८१, जेठ १४ गते
काठमाडौं– नेपाल स्टक एक्सचेञ्ज (नेप्से) आगामी आर्थिक वर्षको बजेटको अघिल्लो दिन अर्थात सोमबार अन्तिम २ मिनेटमा बढेको छ । नेप्से बढेसँगै कारोबार पनि ४ अर्बको नजिक पुगेको छ ।
आज नेप्से २.९३ अंकले बढेर २११३.१७ विन्दु कायम भएको छ । नेप्से बढेसँगै ३ अर्ब ८९ करोड ३७ लाख ६४ हजार रुपैयाँ बराबरको ९३ लाख ३० हजार २९५ कित्ता शेयर ५८ हजार ४८३ पटक किनबेच भएको छ ।
आज ३१७ वटा कम्पनीको शेयर कारोबार हुँदा १४९ वटा कम्पनीको शेयर मूल्य बढेको छ भने ९० वटा कम्पनीको शेयर मूल्य घटेको छ । ८ वटा कम्पनीको शेयर मूल्य भने स्थिर रहेको छ । आज फ्लोट इन्डेक्स ०.०७ अंकले बढेको छ । सेन्सेटिभ इन्डेक्स ०.३० र सेन्सेटिभ फ्लोट इन्डेक्स ०.०८ अंकले घटेको छ ।
आज समूहगत परिसूचकमा उत्पादनमा उछाल आएको छ । आज उत्पादन समूह ५०.७२ अंकले बढेको छ । १३ वटा समूहमध्ये ३ वटा समूहको शेयर मूल्य घटेको छ भने १० वटा समूहको शेयर मूल्य बढेको छ ।
मुक्तिनाथ कृषि कम्पनी, नेपाल वेयरहाउसिङ कम्पनी र कालिञ्चोक दर्शन कम्पनीको शेयरमा भने १० प्रतिशतले बढेर सकारात्मक सर्किट लागेको छ । बुद्धभूमि नेपाल हाइड्रोपावर कम्पनीको शेयरमा भने १० प्रतिशतले घटेर नकारात्मक सर्किट लागेको छ ।
