काठमाडौं । माग अनुसार आवेदन नपरेपछि घलेम्दी हाइड्रो लिमिटेडको हकप्रद सेयरमा आवेदन दिने समय थप गरिएको छ । माग अनुसार आवेदन नपरेपछि कम्पनीले हकप्रद सेयर निष्काशन गर्ने अवधि बढाएको हो। कम्पनीले जारी गरेको सूचना अनुसार अब हकप्रद सेयरमा अब पुस १६ गतेसम्म आवेदन दिन सकिनेछ।
सिडिएससीका अनुसार मंसिर ३० गते शनिबार साँझ ५ः०८ बजेसम्ममा कम्पनीको हकप्रद सेयरमा ४६ लाख १७ हजार ६३२ कित्ता आवेदन परेको छ।
घलेम्दी हाइड्रोले मङ्सिर १० गतेदेखि २०० प्रतिशत हकप्रद सेयर निष्कासन गर्न लागेको हो । कम्पनीले १:२ को अनुपातमा प्रति सेयर १०० रूपैयाँका दरले १ अर्ब १० करोड रुपैयाँ बराबरको १ करोड १० लाख कित्ता हकप्रद सेयर निष्कासन खुला गरेको थियो।
