काठमाडौं, २ भदौ । सिद्धार्थ इक्विटी फन्ड र सिद्धार्थ इन्भेष्टमेन्ट ग्रोथ स्कीम–२ ले आफ्ना इकाईधनीलाई नगद लाभांश बैंक खातामा पठाइसकेका छन् । दुवै फन्डले भदौ १२ गतेसमम डिम्याट खातासँग बैंक खाता अध्यावधिक गराएका इकाईधनीहरुको प्रतिफल भदौ २७ गतेबाट पठाउन सुरु गरेको जनाएका छन् ।
यस्तै, फन्डले हालसम्म डिम्याट खातासँग बैंक खाता अद्यावधिक नगराएका इकाईधनीहरुलाई खाता अद्यावधिक गराउन आग्रह गरेका छन् । यसका लागि इकाईधनीले आफ्नो डिम्याट खाता खोलेको निक्षेप सदस्यमा गएर इकाई डिम्याट गर्नुपर्नेछ ।
यसैगरी, हालसम्म हितग्राही खाता नखोलेका इकाईधनीले भने खाता खोलेर इकाई डिम्याट गर्नुपर्नेछ । खाता अद्यावधिक गरेपछिमात्र लाभांश जम्मा हुने सिद्धार्थ क्यापिटलले जनाएको छ । आर्थिक वर्ष २०७९–८० को नाफाबाट इन्भेष्टमेन्ट ग्रोथ स्कीमले करसहित ६.५ प्रतिशत र इक्विटी फन्डले करसहित ५ प्रतिशतका दरले नगद लाभांश वितरण गरेका हुन् ।
