काठमाडौं । गत आर्थिक वर्षबाट पाँच वाणिज्य बैंक लाभांश वितरण गर्न नसक्ने अवस्थामा देखिएका छन्।
क्यापिटल एडिक्वेसी रेसियो (सीएआर) ८.५ प्रतिशत कायम गर्न नसक्दा राष्ट्र बैंकले लाभांश वितरणमा रोक लगाउने गरेको छ । यस्ता बैंकहरुले पनि लाभांश घोषणा गर्न पाँउदैनन् ।
हिमालयन बैंक र कुमारी बैंकको वितरणयोग्य नाफा ऋणात्मक रहेकाले यी दुवैले लाभांश वितरण गर्न सक्दैनन्।
यस्तै प्रभु बैंक, प्राइम कमर्सियल बैंक र नेपाल इन्भेष्टमेन्ट मेघा बैंकको वितरणयोग्य नाफा अत्यन्तै न्यून रहेकाले यी बैंकले लाभांश बाँड्ने सम्भावना न्यून छ।
हिमालयन बैंकको लाभांश वितरण क्षमता ५.४९ प्रतिशतले ऋणात्मक छ भने कुमारी बैंकको ३.२४ प्रतिशतले ऋणात्मक छ। नेपाल इन्भेष्टमेन्ट मेघा बैंकको ०.४६ प्रतिशत, प्रभु बैंकको ०.६९ प्रतिशत, प्राइम बैंकको १.०६ प्रतिशत लाभांश वितरण गर्ने क्षमता रहेको छ।
