काठमाडौँ / टोयोटाको आधिकारिक वितरक युनाइटेड ट्रेडर्स सिन्डिकेट प्रा.लि. (UTS) र NIC ASIA बैंक लिमिटेडबीच सवारीसाधन खरिदका लागि वित्तीय सहकार्य भएको छ । सहकार्य अन्तर्गत ग्राहकले सात वर्षसम्म ५.९९ % वार्षिक स्थिर ब्याजदरमा अटो लोन प्राप्त गर्न सक्नेछन् ।
दशैँलाई लक्षित गरी ल्याइएको यस योजना अन्तर्गत ऋण प्रशासन शुल्कमा २५ बेसिस पोइन्टसम्म छुटसमेत उपलब्ध हुनेछ । उक्त सुविधा बैंकको ऋण नीति तथा नेपाल राष्ट्र बैंकका सम्बन्धित निर्देशनअनुसार लागू हुने जनाइएको छ ।
उक्त योजनाले टोयोटा सवारीसाधन खरिद गर्न चाहने ग्राहकलाई वित्तीय पहुँच सहज बनाउँदै गाडी खरिद प्रक्रिया सरल बनाउने अपेक्षा गरिएको छ ।
समझदारीपत्रमा युनाइटेड ट्रेडर्स सिन्डिकेट (UTS) का Deputy General Manager (Sales and Marketing) रेखा शाह कार्की र NIC ASIA बैंकका Chief Business Officer, Retail Business अमित केसीले हस्ताक्षर गरेका छन् ।
