शनिबार, साउन २७, २०८०
काठमाडौं । सिम्रिक एयरले नेपाल नागरिक उड्डयन प्राधिकरणलाई ४३ लाख रुपैयाँ बक्यौता बुझाएको छ । प्राधिकरणका अनुसार सिम्रिकले शुक्रबार बक्यौता रकम बुझाएको हो ।
प्राधिकरणले बिहीबारमात्र बक्यौता नतिरेको भन्दै सिम्रिकका सबै उडान ग्राउन्डेड गरिदिएको थियो ।
बक्यौता रकम नतिर्ने एयर कम्पनीहरूको उडान रोकिँदै
सिम्रिकले प्राधिकरणलाई ५५ लाख रुपैयाँ बक्यौता रहेकोमा यसअघि आठ लाख रुपैयाँ तिरेको थियो । शुक्रबार प्राधिकरणलाई ४३ लाख रुपैयाँ बक्यौता बुझाएसँगै अब दुई लाख रुपैयाँ बक्यौता बाँकी रहेको छ ।
उडान खुलाउने विषयमा भने निर्णय नभएको प्राधिकरणले जनाएको छ । प्राधिकरणलाइ तिर्न बाँकी रहेको बक्यौता रकम चुक्ता गरे उडान फुकुवा हुने प्राधिकरणले जनाएको थियो । तर, सिम्रिकले पूरै बक्यौता भने चुक्ता गरेको छैन ।
