काठमाडौ, १० साउन । सरकारले सुन तस्करी प्रकरणमा कर्मचारी सरुवा गरेर जिम्मेवार निकायका प्रमुखलाई जोगाउन खोजेको राष्ट्रिय स्वतन्त्र पार्टी (रास्वपा) का सभापति रवि लामिछानेको भनाई छ । आज बसेको प्रतिनिधि सभामा उनले सुन प्रकरणमा ठूलो सेटिङ भएको दाबी गर्दै प्रमाण नष्ट गर्ने प्रयास भइरहेको आशंकाव्यक्र गरेका छन् ।
सभापति लामिछानले भने, ‘ क्वीन्टलका क्वीन्टल सुन आउनु र त्यो विषयमा सामान्य मानीस पक्राउ पर्नु जनताले अचम्म मानेका छैनन् वर्षौैदेखी सेटिङको आधारमा हुँदै आएको छ । यो सेटिङ नेपाली जनताले थाहा पाईसके। ’ तर यस्ता घटनामा सरकारले कर्मचारीलाई कारबाही गर्ने भन्दा पनि सामान्य सरुवा मात्रै गर्ने गरेको भन्दै आपत्ति जनाएका छन् ।
‘जब यस्ता घट्नाहरु आउँछन् तब कर्मचारीहरु सरुवा हुन्छन् । सरकारलाई सोध्न चाहन्छु । सरुवा भनेको कारबाही हो? कारबाही गरेको हो कि सरुवा गरेर पुरस्कृत गरिएको हो । यस्तो गम्भीर विषयमा क्वीन्टलका क्वीन्टल सुन आउँने विषयमा विभिन्न निकायका प्रमुखहरुलाई तुरुन्त बर्खास्त गर्नुपर्ने हो कि केहि कर्मचारी सरुवा गरेर साटफेर गर्नुपर्ने हो ?’ उनले भने ।
’
सभापति लामिछानेले संसदमा प्रस्तुत गरिएको जरुरी महत्वको प्रस्तावमाथिको छलफल र त्यसप्रति सरकारको गम्भीरता हेरेर आफ्नो पार्टीले थप रणनीति बनाउने बताएका छन् । उनले
सरकार गम्भीर ढंगले प्रस्तुत नभए सरकारको दिन गन्ती सुरु हुने चेतावनी समेत दिएका छन् ।
सभापति लामिछानेले भने, ‘कुनै पनि विषयलाई गिजोल्ने मात्र होईन त्यसको अन्त्य र जरासम्म पुग्ने साहस लिएको भए ठिक छ । नत्र केही कर्मचारीहरु थुनेर सरुवा गरेर फाईल खोले झै गर्ने यतिवटा फाइल खोल्यौ भन्ने मात्र गरी फाईल खोल्न थाल्यो भने सरकारको दिन गन्ति सुरु हुन्छ ।’
