काठमाडौँ । बैकिङ कसुर मुद्दामा संलग्न रहेर फरार भएका एक जना प्रतिवादीलाई प्रहरीले भक्तपुरबाट पक्राउ गरेको छ । पक्राउ पर्नेमा नेत्रप्रसाद ढकाल छन् ।
उनलाई शुक्रबार सूर्यविनायक नगरपालिका–९ स्थित भात्ते ढिकुरबाट पक्राउ गरिएको जिल्ला प्रहरी परिसर भक्तपुरका एक जना अधिकृतले रातोपाटीलाई बताए ।
प्रतिवादी ढकालविरुद्ध रामबहादुर राई र छत्रमान राईले जाहेरी दिएका थिए । पक्राउ परेका आरोपीलाई जिल्ला प्रहरी परिसर भक्तपुरमा हिरासतमा राखेर प्रहरीले अनुसन्धान गरिरहेको छ ।
