पर्वत । कालीगण्डकी नदीमा आएको बाढी बस्तीमा पस्दा पर्वतको जलजला गाउँपालिका–८ फर्सेका करिब ८० घर बगेका छन् ।
शनिबार रातिदेखि बस्तीमा बाढी पस्न थालेपछि स्थानीयलाई सुरक्षित स्थानमा सारिएको प्रहरीले जनाएको छ । बाढीबाट मानवीय क्षति भए–नभएको भने अझै यकिन हुन सकेको छैन ।
बाढीका कारण अन्य घरसमेत जोखिममा परेपछि सशस्त्र प्रहरी बल नेपाल नम्बर २५ चण्डिका गण पर्वत र नेपाल प्रहरीको संयुक्त टोलीले स्थानीय बासिन्दा तथा घरका सामान सुरक्षित स्थानमा सारेको छ ।
घटनाको विस्तृत विवरण आउन बाँकी रहेको सशस्त्र प्रहरीका सहप्रवक्ता डीएसपी शैलेन्द्र थापाले जानकारी दिए । उनका अनुसार बाढीका कारण विद्युत् र फोन सम्पर्कमा समेत समस्या भएको छ ।
