काठमाडौं । साताको पहिलो दिन आइतबार शेयरबजारमा दोहोरो अङ्कको गिरावट आएको छ । बजारमापक परिसूचक नेप्से १०.४२ अङ्कले घटेर २६४३.९३ को बिन्दुमा झरेको छ । आज ३१८ कम्पनीको १ करोड ५७ लाख २० हजार ३६७ कित्ता सेयर किनबेच हुँदा ९ अर्ब १२ करोडको सेयर कारोबार भएको छ ।
आज बैंकिङ समूहको ०.८९ प्रतिशत, फाइनान्स समूहको ४.७६ प्रतिशत, होटल तथा पर्यटन समूहको ०.२७ प्रतिशत, इन्भेष्टमेन्ट समूहको ०.५० प्रतिशतले सेयरमूल्य घटेको छ । सर्वाधिक कारोबार सप्तकोशी डेभलपमेन्ट बैंकको ३९ करोड ५३ लाख रुपैयाँको भएको छ।
तीनवटा कम्पनीको शेयरमूल्यमा सकारात्मक सर्किट लाग्यो भने पाँचवटा कम्पनीको शेयरमूल्यमा नकारात्मक सर्किट लागेको छ । यस दिन ९ अर्ब १२ करोड ८६ लाख रुपैयाँबराबरको कारोबार भएको छ ।
