काठमाडौं । आज स्थानीय बजारमा सुनचाँदीको मूल्य घटेको छ । शुक्रबार प्रतितोला एक लाख ६१ हजार तीन सय रूपैयाँ पुगेर रेकर्ड बनाएको सुनको मूल्य आज घटेको हो ।
नेपाल सुनचाँदी व्यवसायी महासंघका अनुसार शुक्रबारको तुलनामा आज सुनको मूल्य प्रतितोला तीन सय रूपैयाँले घटेको छ । मूल्य घटेसँगै आज सुनको मूल्य प्रतितोला एक लाख ६१ हजार रूपैयाँ पुगेको छ।
सुनको मूल्य घट्दै गर्दा आज चाँदीको मूल्य भने बढेको छ । महासंघका अनुसार चाँदीको मूल्य आज प्रतितोला एक हजार नौ सय ८५ रूपैयाँ कायम भएको छ ।
