आइतवार,असोज १३ २०८१
काठमाडौँ - सानिमा बैंकले आन्तरिक तथा बाह्य ग्राहकलाई बैंकिङ क्षेत्रमा सुरक्षित र गुणस्तरीय आईटी सेवाहरू प्रदान गर्न बैंकको सूचना प्रविधि र सूचना प्रविधि सम्बन्धी सेवाहरूका लागि प्रतिष्ठितआईएसओ २७००१:२०२२ प्रमाणपत्र प्राप्त गरेको छ।

बैंकले ग्राहकको डाटा र आफ्नो प्रणालीको सुरक्षालाई सधैं प्राथमिकतामा राखेको  र यो प्रमाणीकरण सूचना सुरक्षा र डाटा सुरक्षा सुनिश्चित गर्ने निरन्तर प्रयासमा बैंकले प्राप्त गरेको विद्यमान प्रमाणीकरणको स्तरवृद्धि भएको जनाएको छ।

प्रतिष्ठित AMTIVO समूहले उक्त प्रमाणपत्र विभिन्न प्रक्रिया पूरा भएपछि प्रदान गरिएको थियो । आईएसओ २७००१:२०२२ प्रमाणीकरण प्रक्रियाले बैंकको सूचना सुरक्षा व्यवस्थापन प्रणालीको कठोर मूल्याङ्कन समावेश गर्ने बैंकको भनाइ छ ।