काठमाडौं । नेपाल इन्भेष्टमेन्ट मेगा बैंक (एनआईएमबी) ले ४ अर्ब ४ करोड रुपैयाँ बराबरको ऋणपत्र निष्कासन गर्ने भएको छ। बैंकले १०५ एनआईएमबी डिवेन्चर २०९० नामक ऋणपत्र निष्कासन गर्ने भएको हो।
ऋणपत्र निष्कासनका लागि बैंकले नेपाल धितोपत्र बोर्डबाट अनुमति पाइसकेको छ। बैंकले ४० लाख ४० हजार कित्ता ऋणपत्र निष्कासनका लागि अनुमति पाएको हो।
बैंकले २ अर्ब ४२ करोड ४० लाख बराबरको ऋणपत्र व्यक्तिगत तवरबाट र बाँकी १ अर्ब ६१ करोड ६० लाख रुपैयाँ बराबरको ऋणपत्र सर्वसाधारणका लागि बिक्री गर्ने छ।१० प्रतिशत ब्याजदरको ऋणपत्रको १० वर्षमा परिपक्व हुनेछ। ऋणपत्रको बिक्री प्रबन्धकमा प्रभु क्यापिटल छ।
