२२ मंसिर, काठमाडौं । सिद्धार्थ प्रिमियर इन्स्योरेन्स कम्पनीको ५ लाख ३३ हजार ८६५ कित्ता संस्थापक सेयर लिलामी बिक्रीमा राखिएको छ । बिक्री प्रवन्धक एनआईसी एसिया क्यापिटलले सो सेयरमा लगानी गर्न चाहनेबाट शिलबन्दी बोलपत्र आवेदन माग गरेको छ ।
शुक्रबारदेखि नै कम्पनीको सेयर खरिदका लागि आवेदन दिन सकिने छ । न्यूनतम प्रतिकित्ता मूल्य २२० रुपैयाँ कायम राख्दै कम्पनीको संस्थापक सेयरमा आवेदन मागिएको हो । इच्छुक विद्यमान संस्थापक सेयरधनी तथा अन्य जोकोही लगानीकर्ताले सो वा सोभन्दा बढी मूल्य अंकित गरी बोलकबोल गर्नुपर्नेछ ।
लगानीकर्ताले न्यूनतम ५ हजार कित्तादेखि अधिकतम सम्पूर्ण कित्ताको लागि आवेदन दिन सक्नेछन्।
