खानीखोला हाइड्रो कम्पनीले एकैसाथ दशौं र एघारौं वार्षिक साधारणसभा डाकेको छ । कम्पनीले सेयरधनीको हात भने रित्तै राख्ने भएको छ ।
मङ्सिर १० गते आइतबार बसेको सञ्चालक समितिको बैठकले पुस ४ गते काठमाडौंको धुम्बाराहीस्थित ध्रुम बाराह पार्टी प्यालेसमा बस्ने गरि साधारणसभाको मिति तय गरेको हो ।
कम्पनीले साधारणसभामा आर्थिक वर्ष २०७७/७८ र २०७८/७९ को सञ्चालक समितिको प्रतिवेदन छलफल गरि पारित गर्ने, लेखापरीक्षण प्रतिवेदनसहित वित्तीय विवरणहरु पारित गर्ने लगायत साधारण प्रस्तावहरु पेश गर्ने जनाएको छ ।
यसैगरी कम्पनीले १:१ अनुपातमा हकप्रद सेयर जारी गर्ने विशेष प्रस्ताव पनि साधारणसभामा पेश गर्ने जनाएको छ । कम्पनीले साधारणसभा प्रयोजनार्थ मङ्सिर २२ गते एक दिन बुक क्लोज गर्ने जनाएको छ । अर्थात मङ्सिर २१ सम्म कायम सेयरधनीले साधारणसभामा भाग लिन सक्नेछन् ।
