आइतवार, कार्तिक १९ २०८०
काठमाण्डौ । प्राइम कमर्सियल बैंकले भूकम्प प्रभावितहरुका लागि २५ लाख ५१ हजार रुपैयाँ सहयोग गरेको छ । यहि कार्तिक १७ गते, शुक्रवार, राति जाजरकोट केन्द्रबिन्दु भई गएको विनाशकारी भूकम्पबाट जनधनको अपूरणीय क्षति व्यहोर्नु परेको घटना प्रति दुःख व्यक्त गर्दै उक्त सहयोग गरेको हो ।
बैंकको तर्फबाट भूकम्प पीडितहरुको तत्काल राहत सहयोगार्थ प्रधानमन्त्री दैवी प्रकोप उद्धार कोषमा जम्मा हुनेगरी उक्त आर्थिक सहयोग उपलब्ध गराएको हो ।
बिनाशकारी भूकम्पको चपेटामा परी दिवंगत आत्माको चिर शान्तिको कामना समेत बैंकले गरेको छ ।
साथै, उपचाररत सम्पूर्ण घाइतेहरुको शीघ्र स्वास्थ्यलाभको कामना गरेको छ ।
