काठमाडौं, कार्तिक १ गते । अपि पावर कम्पनीको लिलामी सेयर खोलिएको छ । अपि पावर कम्पनीमा खोलिएको अवितरित हकप्रद सेयरको बोलपत्रमा साधारण सेयरको कटअफ मूल्य १५१ रुपैयाँ १० पैसा कायम भएको छ । यधपि लिलाम कबुल गरेका चेकहरु साटिन भने बाँकी रहेको बिक्री प्रबन्धक मुक्तिनाथ क्यापिटलले जानकारी दिएको छ।
अपि पावरले हकप्रद निष्काशन गर्दा बिक्रि नभएको सर्बसाधारण समूह तर्फको ११ लाख ९४ हजार ९ सय ३४ कित्ता सेयर असोज १७ गतेदेखि लिलाम असोज २४ गतेसम्म खुला रहेको थियो ।
कम्पनीले जारी गरेको १०ः ४ अनुपात अर्थात १० सेयर बराबर ४ सेयर भर्न पाउने हकप्रद सेयरमा रीतपूर्वक आवेदन दिएका १ लाख १० हजार ५६१ सेयरधनी आवेदकलाई १ करोड ५३ लाख ३७ हजार २०३ कित्ता सेयर बाँडफाँट गरिसकेको छ।
कम्पनीले १ अर्ब ६५ करोड ३३ लाख १३ हजार ७०० रुपैयाँ बराबरको प्रतिशेयर १०० रुपैयाँ अंकित मूल्यका १ करोड ६५ लाख ३३ हजार १३७ कित्ता साउन ३१ गते देखि भदौ १९ गतेसम्म सेयर निष्काशन गरेको थियो।
