गणपूरक संख्या नपुगेपछि अघिल्लो मितिमा स्थगित जोशी हाइड्रोपावर डेभलपमेन्ट कम्पनीको साधारणसभा असोज १९ गतेका लागि आह्वान गरिएको छ ।
असोज १० गते बसेको कम्पनीको सञ्चालक समितिको बैठकले असोज १९ गते आठौं साधारणसभा डाकेको हो । काठमाडौंको सुकेधारास्थित सेलिब्रेसन हाइटमा बिहान १० बजे सभा हुने जनाइएको छ । यस अघि भदौ ३१ गतेका लागि साधारणसभा मिति तय भएको थियो ।
साधारणसभामा आर्थिक वर्ष २०७८-७९ को वार्षिक तथा लेखापरीक्षकको प्रतिवेदन स्वीकृत गर्ने, ६५ प्रतिशत हकप्रद सेयर जारी गर्ने लगायत प्रस्ताव पारित हुनेछ । सभाले हकप्रद जारीपछि हुने कम्पनीको पुँजी वृद्धि बमोजिम प्रबन्धपत्र र निमयावली संशोधन गर्ने प्रस्ताव पनि पारित गर्नेछ ।
वार्षिक साधारणसभाका लागि कम्पनीले गत भदौ १८ गते एक दिन बुक क्लोज गरिसकेको छ ।
