धितोपत्र बोर्डको एक्सन: केयर रेटिङलाई ५० हजार जरिवाना
नेपाल धितोपत्र बोर्डले केयर रेटिङलाई कारबाही गरेको छ । मंगलबार बसेको सेबोनको संचालक समितिको बैठकले केयर रेटिङलाई नगद जरिवाना गर्ने निर्णय गरेको हो ।
यसअघि बोर्डले पुस २८ गते केयर रेटिङलाई स्पष्टीकरण सोधेको थियो। नियमविपरीत बैंकको ऋणका लागि रेटिङ गरेपछि बोर्डले स्पष्टीकरण सोधेको थियो।
केयर रेटिङले केयर रेटिङ नियमावलीविपरीत कार्य गरेकाले कारबाही गरिएको बुझिएको छ । केयरलाई रेटिङलाई ५० हजार जरिवाना गरिएको सेबोनका एक अधिकारीले अर्थसंसारलाई जानकारी दिए।
