काठमाडौं । साताको पहिलो कारोबार दिन ‘सोमबार’ नेपाल स्टक एक्सचेन्ज (नेप्से) परिसुचक दोहोरो अंकले उकालो लागेको छ । कारोबार समयको सुरुवातदेखि उकालो लागिरहेको नेप्से अन्तिम समयमा २५.५५ अंकले बढ्दै २५ सय ८५ को विन्दुमा पुगेर रोकिएको हो ।
आज कुल ३ सय ३६ कम्पनीका १ करोड १५ लाख ९५ हजार बढी कित्ता सेयर किनबेच हुँदा कारोबार रकम ४ अर्ब ६८ करोड ८६ लाख माथि पुगेको छ । आज कारोबारमा आएकामध्ये २ सय २६ कम्पनीको सेयरमूल्य उकालो लाग्दा ४७ कम्पनीको सेयरमूल्यमा भने गिरावट आएको छ । आज कारोबारमा आएकामध्ये म्युचुअल फण्डबाहेकका सबै समुहको परिसुचक उकालो लागेका छन् ।
