काठमाडौं । आज नेपाल स्टक एक्सचेन्ज (नेप्से) परिसूचक दोहोरो अंकले बढेको छ । आज नेप्से परिसूचक ११.७७ अंकले बढेर २ हजार ६ सय २९.८१ अंकको बिन्दुमा पुगेको छ । आज कारोबारमा आएकामध्ये १ सय ७६ कम्पनीको सेयर मूल्य बढेको छ भने ९५ कम्पनीको घटेको छ ।
आज नेप्से परिसूचक बढेपनि कारोबार रकम भने घटेको छ । बिहीबार ५ अर्ब ४४ करोड ७३ लाख १३ हजार रुपैयाँ बराबरको सेयर किनबेच भएको छ । बुधबार ६ अर्ब ३५ करोड ६६ लाख ११ हजार रुपैयाँभन्दा धेरैको सेयर किनबेच भएको थियो ।
आज सबैभन्दा धेरै कमाउनेमा नेपाल ल्यूब आयलका लगानीकर्ता रहेका छन् । यो कम्पनीको सेयर मूल्य १२.४७ प्रतिशतले बढेर २ सय ७१ रुपैयाँ ३० पैसा कायम भएको छ । यता, यसदिन सबैभन्दा धेरै गुमाउनेमा मिड सोलु हाइड्रोपावरका लगानीकर्ताहरु रहेका छन् । यो कम्पनीको सेयर मूल्य ११.५८ प्रतिशतले घटेको छ ।
