काठमाडौं । साताको अन्तिम कारोबार दिन ‘शुक्रबार’ नेपाल स्टक एक्सचेन्ज(नेप्से) परिसुचक दोहोरो अंकले बढेर बन्द भएको छ । कारोबार समयको सुरुवातदेखि उकालो लागिरहेको नेप्से अन्तिम समयमा २७.९४ अंकले बढ्दै २५ सय ५९ को विन्दुमा पुगेर रोकिएको हो ।
आज कुल ३ सय ४५ कम्पनीका १ करोड २० लाख ८९ हजार बढी कित्ता सेयर किनबेच हुँदा कारोबार रकम ४ अर्ब ३६ करोड १ दलाख ५९ हजार रुपैयाँ नाघेको छ ।
आज कारोबारमा आएकामध्ये २ सय ३७ कम्पनीको सेयरमूल्य उकालो लाग्दा ३१ कम्पनीको सेयरमूल्यमा भने गिरावट आएको छ । आज कारोबारमा आएकामध्ये सबै समुहको परिसुचक उकालो लागेका छन् ।
