काठमाडौं । साताको पहिलो कारोबारको दिन नेपाल स्टक एक्सचेन्ज (नेप्से) परिसूचकमा पहिरो गएको छ । यसदिन नेप्से परिसूचक ४३.८९ अंकले घटेर २ हजार ५ सय १३.४२ अंकको बिन्दुमा आएको छ । आज कारोबारमा आएकामध्ये १९ कम्पनीको सेयर मूल्य बढेको छ भने २ सय ५५ कम्पनीको घटेको छ ।
सोमबार नेप्से परिसूचकसँगै कारोबार रकम पनि घटेको छ । आज ३ अर्ब ६४ करोड ११ लाख ७ हजार रुपैयाँ बराबरको सेयर किनबेच भएको छ । शुक्रबार ३ अर्ब ७८ करोड ६४ लाख ५५ हजार रुपैयाँभन्दा धेरैको सेयर कारोबार भएको थियो ।
आज सबैभन्दा धेरैकमाउनेमा उपकार लघुवित्तका लगानीकर्ताहरु रहेका छन् । यस कम्पनीको सेयर मूल्य १३.१६ प्रतिशतले घटेको छ । यता, सबैभन्दा धेरै गुमाउनेमा मैलुङ्ग खोला जलविद्युतका लगानीकर्ता रहेका छन् । यस कम्पनीको सेयर मूल्यमा नकारात्मक सर्किट लागेको छ ।
