काठमाडौं । साताको अन्तिम कारोबारको दिन नेपाल स्टक एक्सचेन्ज (नेप्से) परिसूचक दोहोरो अंकले बढेको छ । आज नेप्से परिसूचक १२.९६ अंकले बढेर २ हजार ६ सय ८५.५४ को बिन्दुमा पुगेको छ । यसदिन कारोबारमा आएकामध्ये १ सय ७८ कम्पनीको सेयर मूल्य बढेको छ भने ८५ कम्पनीको घटेको छ ।
आज सबैभन्दा धेरै कमाउनेमा एभरेष्ट कलर लिमिटेडका लगानीकर्ता रहेका छन् । यो कम्पनीको सेयर मूल्यमा सकारात्मक सर्किट लागेको छ । यता, सबैभन्दा धेरै गुमाउनेमा बोटलर्स नेपाल (तराई)का लगानीकर्ता रहेका छन् । यो कम्पनीको सेयर मूल्य ५.३३ प्रतिशतले घटेको छ ।
शुक्रबार नेप्से परिसूचकसँगै कारोबार रकम पनि सामान्य बढेको छ । आज ३ अर्ब ७५ करोड ९७ लाख २२ हजार रुपैयाँ बराबरको सेयर किनबेच भएको छ । बिहीबार ३ अर्ब ३८ करोड १३ लाख १८ हजार रुपैयाँभन्दा धेरैको सेयर किनबेच भएको थियो ।
