शुक्रवार, साउन २ २०८२
काठमाडौं । सानिमा बैंकले इ–कम भिसा कार्ड प्रयोगकर्ताहरूका लागि अनलाइन मार्फत कार्डमा टपअप गर्न मिल्ने सुबिधाको सुरुवात गरेको छ ।
इ–कम भिसा कार्ड प्रयोगकर्ताहरुले अब आफूलाई पायक पर्ने जुनसुकै समय र स्थानबाट सानिमा युएसडि इकम भिसा कार्डमा टपअप गर्न सक्नेछन् ।
ग्राहकहरुले सानिमा सजिलो ईबैकिङ्ग एप वा बैंकको आधिकारिक वेबसाइटमा अनलाइन सर्भिसेस अन्तर्गतको कार्ड सर्भिसबाट आफ्नो विवरणहरु राखेर टपअप गर्न सक्नेछन् ।
ग्राहकहरुले बैंक खातामा रजिस्टर भएको मोबाइल नम्बर वा इमेल, बचत खाता नम्बर र उपलब्ध क्याप्चा राखेर टपअप को प्रकिया अगाडि बढाउन सक्नेछन् । साथै, उक्त प्रकियाका लागि मोबाइल नम्बर वा इमेलमा प्राप्त भएको अन टाइम पासवर्ड ९ओटिपी० राखे पश्चात् कार्डमा तुरुन्तै टपअप हुनेछ ।
सानिमा बैंकको देशको सातै प्रदेशमा १३४ वटा कार्यालयहरु तथा १२७ वटा एटिएमहरू सञ्चालनमा रहेका छन् ।
