काठमाडौं । आज भन्दा पछि नियुक्त हुने स्थायी कर्मचारीले पेन्सन नपाउने भएका छन् । नयाँ बजेट कार्यान्वयनमा आएसँगै कर्मचारीहरुले पेन्सन नपाउने व्यवस्था पनि कार्यान्वयनमा आएको हो ।
यो व्यवस्था आज भन्दा पछि नियुक्त हुने स्थायी सरकारी कर्मचारीहरुका लागि लागू हुने छ । यस अघि नै नियुक्त भइसकेका कर्मचारीको हकमा भने यो व्यवस्था लागू हुने छैन् । सरकारले पेन्सन तथा उपदानको सट्टा योगदानमा आधारित सामाजिक सुरक्षा प्रणाली लागू गर्ने भएको छ ।
अर्थ मन्त्रालयले सामाजिक सुरक्षा प्रणाली लागू गर्न आवश्यक व्यवस्था मिलाउन सबै मन्त्रालय, नियामक निकाय, सार्वजनिक संस्थान, बोर्ड, समिति तथा प्रतिष्ठानहरुलाई परिपत्र गरिसकेको छ ।
