काठमाडौं । एनआईसी एशिया बैंकले आफ्ना ग्राहकलाई उत्कृष्ट सेवा र सुविधा प्रदान गर्ने उद्देश्यले देशभर फैलिएका सिद्धार्थ हस्पिटालिटीका आउटलेटमा विशेष छुट प्रदान गर्ने गरी विशेष सम्झौता गरेको छ ।
यस सम्झौतासँगै अब एनआईसी एशिया बैंकका ग्राहकले सिद्धार्थ हस्पिटालिटी अन्तर्गत सञ्चालित मुलुकभर फैलिएका होटल तथा रेस्टुरेन्टमा २० प्रतिशतसम्मको विशेष छुट उपभोग गर्न सक्नेछन् ।
यस सम्झौता अनुसार ग्राहकले खाद्य तथा पेय पदार्थमा अधिकतम १० प्रतिशत र आवास सेवा (एकोमोडेसन)मा अधिकतम २० प्रतिशतसम्मको छुट प्राप्त गर्न सक्नेछन् ।
बैंकका ग्राहकले यस बैंकको डेबिट वा क्रेडिट कार्ड प्रयोग गरी वा मोबैंक एपमार्फत भुक्तानी गर्दा सिद्धार्थ हस्पिटालिटीका मुलुकभर फैलिएका २२ वटा आउटलेटमा उक्त सुविधा प्रयोग गर्न सक्नेछन् ।
