काठमाडौं । हिमालयन बैंक लिमिटेडले संस्थापक सेयरधनी हबिव बैंक लिमिटेडको नाममा रहेको कुल २ करोड ८० लाख १२ हजार ४४७.४५ कित्ता संस्थापक सेयर बिक्रीमा ल्याएको छ । प्रतिकित्ता न्यूनतम ११२.८० रुपियाँ तोकिएको यो सेयर खरिदका हाल बैंकका विद्यमान संस्थापक सेयरधनीले मात्रै आवेदन दिन सक्नेछन् ।
इच्छुक संस्थापक सेयरधनीले ३५ दिनभित्र हेरिटेज प्लाजा, कमलादीस्थित बैंकको कानुन विभागमा निवेदन दिनुपर्नेछ। तोकिएको समयभित्र संस्थापक सेयरधनीबाट पर्याप्त आवेदन नपरेमा उक्त सेयर सर्वसाधारणलाई बिक्री गर्न प्रक्रिया अघि बढाइने बैंकले जनाएको छ ।
