काठमाडौं । ऋण मिलाइदिने भन्दै ऋणीसँग कमिसन लिएको पुष्टि भएपछि नेपाल बैंकका सञ्चालक चन्द्रबहादुर अधिकारी बर्खास्त भएका छन् । अधिकारीले ऋण मिलाइदिने प्रलोभन देखाएर कमिसन लिन खोजेको पुष्टि भएपछि राष्ट्र बैंकले बर्खास्त गरेको हो ।
राष्ट्र बैंकले गत माघमा विशेष टोली पठाएर विभिन्न चरणमा बैंकमा गरेको अध्ययनबाट अधिकारीले घुस लिएको पुष्टि भएपछि कारबाही गरेको राष्ट्र बैंकले जनाएको छ ।
अधिकारीको ड्राइभरको खातामा ऋण मिलाइदिन भनेका ग्राहकले रकम जम्मा गरेको भेटिएको थियो । बैंकले एक सूचना जारी गर्दे नेपाल राष्ट्र बैंक, बैंक सुपरिवेक्षण विभागबाट प्राप्त निर्देशन अनुसार अधिकारीलाई हटाएसँगै सो पद रिक्त भएको हो ।
