काठमाडौं । अमेरिकामा शनिबार साँझदेखि अवरुद्ध भएको टिकटक पुनः सञ्चालनमा आएको छ । सोमबारबाट राष्ट्रपतिको पदभार सम्हाल्न लागेका डोनाल्ड ट्रम्पले ‘टिकटकलाई जोगाउने’ बताएपछि सेवा सुचारु गरिएको टिकटकले उल्लेख गरेको छ । टिकटकले ट्रम्पलाई नै देखाएर सेवा सञ्चालनमा ल्याएको हो ।
सीएनएनका अनुसार टिकटकले ‘राष्ट्रपति ट्रम्पको पहलका कारण अमेरिकामा टिकटक पुनस् सञ्चालनमा आएको छ, यहाँहरूको धैर्य र सहयोगका लागि धन्यवाद’ भन्ने सूचनासहित एप सुचारु गरेको छ । करिब १२ घण्टा अवरुद्ध भएपछि १७ करोड अमेरिकी प्रयोगकर्तामाझ टिकटक फेरि चल्न थालेको हो ।
