१९ जेठ २०८०, शुक्रबार
काठमाडौँ– सुनकोसी नदीमा सिटिइभिटीको गाडी खस्दा तीन जना बेपत्ता भएका छन्। भक्तपुरबाट खोटाङतर्फ जाँदै गरेको बा१झ ७४६७ नम्बरको जीप मध्यपहाडी लोकमार्गअन्तर्गत घुर्मी–खुर्कोट सडकखण्डको गोलन्जोर गाउँपालिका- ७ को लौकुनबाट सुनकोसीमा खसेको हो ।
जिल्ला प्रहरी कार्यालय सिन्धुलीका प्रमुख एसपी राजकुमार सिलवालका अनुसार गाडीमा वेपत्ता हुनेमा तनहुँ भानु नगरपालिका वडा नं. ९ बस्ने वर्ष ५७ का सिटिइभिटीका निर्देशक कृष्णबहादुर केसी, पूर्विनवलपरासी प्रगती नगरपालिका वडा नं. ७ बस्ने सीटीईभीटीका योजना महाशाखा निर्देशक यमबहादुर भुजेल र ईलाम घर भएका प्राविधिक अधिकृत भानु पौडेल सवार रहेको खुलेको छ। गाडीचालक कृष्णबहादुर चौधरी पौडिएर निस्कन सफल भएका छन् । बेपत्ता भएकाको स्थानीय र प्रहरीले खोजी भइरहेको पनि जानकारी दिएको छ ।
