बुधवार, आश्विन १७ २०८०
काठमाडौँ - पछिल्लो समय निरन्तर घटिरहेको सुनको मूल्य १२ दिनपछि बढेको छ । नेपाल सुनचाँदी व्यवसायी महासङ्घका अनुसार घटेको १२ दिनपछि आज सुनको भाउ प्रतितोला ३ सय रुपैयाँले बढेको हो ।
असोज २ गते मङ्गलबार प्रतितोला १ लाख १३ हजार रुपैयाँमा कारोबार भएको सुनको भाउ त्यसयता क्रमश घटेर हिजो मङ्गलबारसम्म १ लाख ६ हजार ६ सय रुपैयाँमा आइपुगेको थियो । यस अवधिमा सुनको भाउमा ६ हजार ४ सय रुपैयाँ गिरावट आएकोमा आज भने पुनः बढेको हो । आज नेपाली बजारमा छापावाल सुन प्रतितोला १ लाख ६ हजार ९ सय रुपैयाँ र तेजावी सुन १ लाख ६ हजार ४ सय रुपैयाँमा कारोबार हुनेछ ।
यता, चाँदीको भाउ भने आज स्थिर रहेको महासङ्घले जनाएको छ । असोज २ गतेदेखि आजसम्म चाँदीको भाउ भने प्रतितोला १ सय रुपैयाँले घटेको छ । असोज २ गते प्रतितोला १ हजार ४ सय १० रुपैयाँ रहेको चाँदीको भाउ आज १ हजार ३ सय १० रुपैयाँ कायम भएको छ ।
